أعرب المخرج مجدي الهواري عن إعجابه الكبير بالجزء الثاني من مسلسل أشغال شقة، مشيرًا إلى أن النجاح الذي حققه العمل لم يكن محض صدفة أو مجرد استثمار لنجاح الجزء الأول، بل ثمرة جهد حقيقي ورؤية مدروسة من صُنّاعه.

وخلال استضافته في برنامج البلدية بيضحك عبر إذاعة راديو 90.90، قال الهواري: "أشغال شقة عجبني جدًا للسنة الثانية على التوالي، وموهبة شيرين دياب وخالد دياب مش بس في الكتابة، لكن في القرار كمان محدش قال يلا نعمل جزء تاني وخلاص، لأ، هما درسوا وفكروا كويس قبل ما يوافقوا، وده خلاني أحترمهم أكتر".

وأضاف: "أنا مش بنقل معلومة، دي مشاعري كمخرج لو كنت مكانهم، كنت هعمل نفس الخطوات أكيد لما جالهم عرض إنتاج جزء جديد، قعدوا يفكروا ويتأملوا، وده اللي بيوصل للناس وبيخلي النجاح مستحق".

واختتم حديثه قائلاً: "مش أي عمل ينجح جزءه الأول يبقى نجاح الجزء التاني مضمون، لكن في حالة أشغال شقة، الناس اشتغلت بضمير وبإخلاص… شابو ليهم".