روايات وقصص

رواية… “فضيحة طبيب” الجزء الرابع للكاتبة حنان حسن

رواية… “فضيحة طبيب” الجزء الرابع للكاتبة حنان حسن:

بعدما عرفت من امي…

ان ايناس اخدت تغريد عندها في غرفتها

عشان تسقيها العصير

خرجت باقصي سرعة

علي شقة ابويا …

وبعد ما دخلتها ….
جريت علي غرفة ايناس اختي

الي كان بابها مغلق من الداخل

وكان بيصدر من الغرفة صوت نحيب …وصراخ
وكان حد بيتوجع …وبيعتصر من شدة الالم

فا اضطريت اني اقتحم غرفتها بالقوة..
وبعد ما دخلت

اتفاجئت….

للكاتبة حنان حسن

بان تغريد…
هي الي ممسكة ببطنها… و بتتالم …وبتصرخ من الوجع

وكان امامها كوب كبير من العصير…

فا صرخت في ايناس بمجرد ما شوفت المنظر

ولقيتني بقولها؟
عملتي فيها ايه يا مجرمة؟

وسالت تغريد بلهفة وقلق

قلت…مالك يا تغريد حاسة باية؟

ردت تغريد وهي بتتوجع
وقالت….
بطني بتتقطع

وفي اللحظة دي

ردت ايناس بهدوء

وقالت…اهدي يارميو انا معملتش فيها حاجة

طبعا مصدقتش ايناس

وكاد قلبي ان يتوقف من الهلع والقلق علي تغريد

الي كانت مازالت بتتالم

فا امسكت بكوب العصير الي ادام تغريد

وسالتها

قلت..انتي شربتي من العصير ده صح؟

هزت تغريد راسها بالنفي

وقالت…لا
مشربتش منه

استغربت من رد تغريد

فا عيدت عليها السؤال تاني

وقلت..انتي متاكده انك مشربتيش من العصير يا تغريد؟

وفي اللحظة دي

ردت عليا ايناس بعصبية
وقالتلي..
ما قلتلك انها مشربتش من العصير

ولا انت عايز تعملك حكاية وخلاص

فا استغربت من الي بيحصل

وكنت عايز اعرف الي حصل

عشان احاول اسعف تغريد
بسرعة
قبل ما يجري لها حاجة

فسالت تغريد

للكاتبة حنان حسن

وقلت…امال ايه الي حصلك يا حبيبتي
والمغص ده جالك من ايه؟

ردت تغريد بصعوبة

وقالت..
لما ايناس قدمتلي كوباية العصير
اخدتها منها….
وبمجرد ما شميت ريحتها

حسيت اني عايزة اتقيئ

و لقيت بطني بتتقطع من الالم مش عارفة ليه

يظهر اني اخدت برد في معدتي
باين…

بصيت لتغريد

وسالتها للمره الاخيرة

وقلت…

يعني انتي متاكدة
انك مشربتيش من العصير
يا تغريد؟

ولا اكلتي اي حاجة تانية؟

ردت تغريد وهي ما زالت بتتالم
وقالت..
لا مكلتش ….ولا شربت اي حاجة لاني

معدتي مش مظبوطة من الصبح اصلا

ومش عارفة ليه معنديش نفس للاكل خالص ؟

بعد ما اطمنت ان تغريد
مشربتش من السم

حمدت ربنا
واخدتها وخرجنا من غرفة ايناس
الي كانت بترمقني بنظرات غضب ولوم

ولما رجعنا لشقتنا
انا …وتغريد

طلبت منها تلبس عشان اخدها واكشف عليها

وكنت ناوي فعلا اني اخدها لاقرب دكتور عشان يطمني عليها

للكاتبة حنان حسن

لكن…. لقيت ام تغريد جاية تزورنا بالصدفة

ولما ام تغريد…
شافت بنتها تعبانة اوي كده

سالتها امها شوية اسالة

ومن اجابات تغريد

طلبت انها تكشف عليها بنفسها
كشف نسائي

لانها كانت شاكة ان دي اعراض حمل

اصل ام تغريد كانت بتشتغل زمان ( داية )

لكن انا استغربت من كلام ام تغريد

وسالتها..

قلت…انتي بتقولي ايه؟

حمل اية الي بتتكلمي عنة؟

ابتسمت امها
وقالتلي
اصبر بس متقاطعش واخرج استناني بره

وقول يارب
عشان تسمع البشارة

هزيت راسي
وسيبتها تكشف علي تغريد وخرجت وانا مصدوم

وسالت نفسي

معقولة ممكن تغريد تكون حامل فعلا…؟

اهي دي الحاجة
الي …لا كانت علي البال
ولا علي الخاطر

ومكناش عاملين حسابها
انا وايناس خالص

وفضلت اسال نفسي

وانا في منتهي الاندهاش

واقول..
انا ازاي مفكرتش

ان موضوع الحمل ده …

كان وارد انه يحصل في اي وقت فعلا؟

وفضلت قاعد مسهم …
وانا منتظر
نتيجة كشف النساء

الي بتكشفة ام تغريد علي بنتها

لكن انتظاري مطلش كتير

لاني شوية
ولقيت ام تغريد خارجة بتزغرد وبتقولي…

مبروك يا دكتور عمرو

كلها كام شهر …وهتبقي اب

قلت..اب؟؟؟؟

ضحت ام تغريد
وقالت ساخرة…

طبعا هتبقي اب
امال يعني هتبقي ايه؟

للكاتبة حنان حسن

وطبعا كان لازم اضحك وابين لتغريد وامها اني سعيد

لكن كنت من جوايا متاخد من الخبر المفاجئ ده

وفي قلبي خليط من المشاعر

يعني كنت فرحان …علي متاخد… علي قلقان…
وكده يعني

وفي اللحظة دى

سيبت تغريد مع امها

وخرجت انا بسرعة

عشان ازف الخبر لامي وابويا وايناس اختي

واعرفهم…
بان تغريد حامل

وبالفعل …
روحت لشقة ابويا

ولقيتة كان قاعد هو …وامي
في الصالة

فا قولتلهم علي الخبر

وطبعا… ابويا وامي فرحوا
جدا
انهم اخيرا هيشوفولي حتة عيل
علي حسب كلامهم

لكن انا مكنتش شايل هم امي وابويا
ولا كنت قلقان من رايهم

زي منا شايل هم ايناس

لما تعرف بان تغريد حامل

للكاتبة حنان حسن

وخلاص مبقاش ينفع نقتلها

وحاولت اطمن نفسي

واقول…
ايناس في الاول والاخر اختي

واكيد هتفرح …اني هيبقي عندي مولود قريب

وانا لازم اتكلم معاها …
وافهمها …
انها لازم تشيل فكرة القتل من دماغها خالص

وبسرعة …روحت علي غرفة ايناس

ولقيتها لسة قاعدة بس كانت سرحانة
ومازالت ادامها كوباية العصير

الي تغريد مشربتهاش

واستغربت انها مدلقتهاش في الحوض لغاية دلوقتي

لكن تجاهلت الامر

وحاولت امهد مع ايناس الكلام

عشان اقولها علي موضوع الحمل

فا ابتسمت اول ما شوفتها

وسالتها؟؟؟

قلت ..
اية يا ايناس
قاعدة لوحدك ليه؟

ما تيجي تقعدي معانا انا …وامك …وابوكي

عشان نحتفل كلنا مع بعض

بصتلي ايناس بتعجب

وسالتني؟
قالت..
وهنحتفل باية بقي ان شاء الله؟

بالمهمة الي انت بقالك اكتر من شهر…. ومش عارف تنفذها؟

ولا بقصة الحب الي حضرتك عايش فيها.. مع الست تغريد بتاعتك؟

قلت..بصراحة في خبر جديد
كنت عايزك تعرفية

وسالتني ايناس
وقالت…
خبر ايه؟

قلت .. تغريد حامل

انتفضت ايناس من مكانها

للكاتبة حنان حسن

وقالت.. بغضب

ينهارك اسود يا عمرو

هو ده الاتفاق الي كان بينا؟

نسيت يا عمرو قرار الانتقام الي انا وانت اخدناه

عشان تدفع تغريد وامها ثمن الي عملوه فيك وفينا؟

قلت..معلش بقي يا ايناس
سامحي تغريد

عشان خاطر الحمل الي في بطنها علي الاقل

وعشان خاطري انا يا ايناس

انسي الاتفاق الي كان بينا

وتعالي نفتح صفحة جديدة

رمقتني ايناس بنظرة غضب

وقالت..
انت متخيل اني هعدل عن قرار الانتقام من تغريد

لمجرد اني عرفت انها حامل؟

يعني الغندورة بعد ما تتسبب في طلاقي …وخراب بيتي…وضياع مستقبلك..
وفضيحتنا كلنا…

عايزني اسامحها بسهولة كده؟….

وكمان اسيبها .. تعيش حياتها … وتتهني مع جوزها ….وتحمل…. وتخلف ؟

وانا اولع بقي
و اموت بحسرتي؟

لا مش هيحصل

وعلي جثتي لو سيبتها تتهني بالحمل ده للاخر

بصيتلها بغضب

وقبضت علي زراعيها

وفضلت اهزها عشان تفوق

وقلت..فوقي يا مجنونة

الحمل الي في بطنها ده يبقي ابن اخوكي

وانا مش هسمحلك تلمسيها ولا تلمسي الي في بطنها
انتي سامعه؟؟

ابتسمت ايناس ببرود
وفضلت تبصلي بتحدي

ولم تنطق بكلمة واحدة

فا دفعتها علي الارض وتركتها وخرجت من غرفتها

وعدي الموقف علي كده

لكن بصراحة …

فضلت خايف …وقلقان من ايناس…..
ومن حتمالية غدرها

وعشان كده
نبهت علي تغريد ..
وفهمتها….
ان ايناس بتمر بحالة اضطراب نفسي
بسبب طلاقها…

وحذرتها…
تبعد عن اي مكان ايناس هتكون موجودة فيه

و متتعاملش معاها خالص

للكاتبة حنان حسن

وسمعت تغريد كلامي ووعدتني انها هتنفذ كلامي بالحرف
المهم…
استمر الامر علي كده لمدة اسبوعين
وفي ليلة
سمعت جرس الشقة عندي بيرن
فا قمت فتحت الباب
عشان اتفاجئ ادامي
بسماح زوجتي السابقة
او اقدر اقول
سماح الي مازالت زوجتي

لان سماح رفعت عليا قضية فعلا… وطلبت الطلاق

لكن لسة المحكمة محكمتلهاش بالطلاق

لكن انا استغربت الخطوة الغريبة دي
ووقفت ابصلها بدهشة

ومش عارف اقولها اتفضلي؟

ولا انتظر لما اسمع الي هي جاية عشانة
وعايزه تقولة من علي الباب؟

لكن لقيت سماح بتطلب مني اني اسمحلها بالدخول

فا قلتلها….اتفضلي

وبالفعل دخلت سماح

وقعدت في اول كرسي قابلها في الصالة

ولقيتها بتقولي…

عامل ايه يا عمرو؟

للكاتبة حنان حسن

قلت…الحمد لله

بصتلي سماح بنظرة كلها لوم

وقالتلي….

كنت منتظرة انك تتصل بيا الفترة الي فاتت

لكن انت حتي مفكرتش ترفع سماعة الموبيل… وتقولي عاملة ايه يا سماح

بصيتلها بلوم

وقلت…

انتي ناسية انك انتي الي اتخليتي عني…
في اول ازمة في حياتنا ؟

وسيبتي البيت ورفعتي قضية طلاق يا سماح؟

ردت سماح بخجل

وقالتلي…
الفضيحة الي حصلت …
كانت بمثابة ضربة قوية
علي راسي….
افقدتني الاتزان

ومكنتش عارفة ساعتها بعمل ايه؟

وكنت فاكرة اني هقدر ابعد عنك
لكن بصراحة…
مقدرتش يا عمرو

وانا جاية دلوقتي ندمانة وعايزة نرجع لبعض تاني

بعد ما سمعت كلام سماح

فضلت ابصلها بدون ما اتكلم

وكان لساني اتلجم ومعرفتش ارد عليها

ولقيتها القت نظرة سريعة علي الشقة

وقالت….
يااااه ….
اد ايه البيت كان واحشني

وفي اللحظة دي

كان لازم اوضح لسماح ….

واعرفها الظروف الجديدة

فا قلت …
اسمعي يا سماح

في حاجات كتير اتغيرت
من يوم ما سيبتي البيت …

ولازم تعرفيها

ردت سماح
وقالت…
مش موضوع جوازك من تغريد؟

منا عرفت انك اتجوزت

بصيتلها بدهشة

لاني مكنتش عارف انها تعرف بموضوع جوازي

للكاتبة حنان حسن

وقبل ما ارد عليها

لقيتها بتقولي

انا عارفة بموضوع جوازك
لكن احنا فيها

انت ممكن تسيبها ….
وانا هسامحك
وهعتبر ان جوازك منها محصلش

قلت…مقدرش اسيبها يا سماح
لان تغريد حامل

بصتلي سماح بحزن

وقالتلي…

وانا كمان حامل يا عمرو

وهو ده الي جابني النهاردة

قلت..حامل؟؟؟

حامل ازاي ؟ومن امتي؟

ردت سماح موضحة
وقالت…
في الفترة الاخيرة من جوازنا تعبت…و مكنتش باخد وسيلة لمنع الحمل
وسيبتها بظروفها

وبعد ما سيبت البيت

اكتشفت اني حامل

اتصدمت من الخبر الي سمعتة وداني حالا
ولقيت سماح بتقرب مني
وبتقولي ..
يا عمرو انا بعد ما سيبت البيت و مشيت…
اكتشفت اني حامل…. واكتشفت كمان ….اني بحبك

ومش قادرة ابعد عنك

قلت…
ايوه يا سماح بس الظروف دلوقتي اتغيرت و…..

ردت سماح مقاطعة

وقالت…انا بعترف اني كنت غلطانة لما مشيت..
وسيبت البيت

ومستعدة اني اكفر عن غلطتي

ومعنديش مانع انك تجمع بيني وبين تغريد
ونعيش كلنا مع بعض

المهم اني افضل معاك …وابننا يتولد …ويتربي بينا يا عمرو

قلت..مش هينفع يا سماح اجمع بينكم
لاني.. موقوف عن العمل وحالتي المادية سيئة و….

وقبل ما اكمل كلامي

لقيت سماح
بتقولي
خد الذهب بتاعي كلة وبيعة
يا عمرو…
لغاية ما تعدي الازمة

بس ارجوك خلي ابنك يتولد في بيتك
ويتربي في حضنك

بعد ما سمعت كلام سماح…..

وشوفت توسلاتها للرجوع

في اللحظة دي

مكنش ينفع ارفض رجوعي
ليها

وفي نفس الوقت….

للكاتبة حنان حسن

كنت خايف لا تغريد تسيبني
لو رجعت لسماح

وانا بصراحة مقدرش ابعد عن تغريد …ولا استغني عنها

وكان لازم قبل ما اخد اي قرار

افاتح تغريد في الموضوع

واقولها …
علي الي حصل…

واشوف رايها ايه؟

فا دخلت لتغريد غرفة نومنا

ولقيتها بتعيط

فسالتها
مالك يا تغريد؟

لقيتها بتقولي…

انا سمعت كلامك انت وسماح
يا عمرو

وعرفت انها حامل ..

وطبعا حملها ده صعب الامر عليك

وانت دلوقتي مش هتقدر تتخلي عن ابنك

قلت..وايه رايك يا تغريد؟

قوليلي اعمل ايه؟

ردت تغريد

وقالت…
انا مش هبقي انانية يا عمرو

وافكر في نفسي فقط

واقولك يا انا يا هية….

ولا هعمل زيها واتخلي عنك
في محنتك….

بالعكس ….
انا ممكن اعمل اي حاجة في الدنيا …
مهما كانت صعبة
علي نفسي …

عشان خاطرك يا عمرو

وعشان كده…

انا كمان معنديش مانع انك تجمع بيني وبينها

ونعيش كلنا مع بعض

بعد الي سمعتة من سماح..

وبعد موقف تغريد المفاجئ

لقيت نفسي زوج بيجمع بين زوجتين

للكاتبة حنان حسن

وكل واحدة فيهن حامل

يعني بقيت مسؤال عن عائلتين
وكان لازم اخرج من القوقعة الي كنت عايش فيها

واشتغل عشان المسؤالية المضاعفة الي انا شيلتها

لكن هشتغل ازاي
وانا موقوف عن العمل؟

فا قررت اني اشتغل اي شغلانة تانية مؤقتة

وبالفعل بدات ابحث عن عمل
مؤقت
وبصراحة ….
سماح زوجتي نزلت باعت بعض من المصاغ الخاص بيها

وكانت بتساعد في مصاريف للبيت
لغاية ما الاقي شغل

المهم….عيشنا مع بعض احنا الثلاثة
بعد ما خصصت لكل واحده فيهم غرفة خاصة بيها…

وحددت لكل واحدة فيهم
الايام الخاصة بيها

تفاديا للمشاكل

ومشي الحال علي الوضع ده

لكن كنت بلاحظ…
ان تغريد بتخرج وتغيب كتير

وفي الاخر ..
بلاقيها راجعة ومعاها فلوس

ولما كنت بسالها

اتاخرتي ليه ؟

ومنين الفلوس دي؟

تقولي …
انا كنت عند امي…

وهي الي اديتني الفلوس

وكنت بصدقها

ومكنتش دي التصرفات الغريبة الي كانت بتصدر من تغريد فقط

لا …دي كمان
كانت بتقوم من جنبي بليل وتختفي فترة

وكنت بفضل ادور عليها في الشقة كلها
وفجاءة…

القيها ظهرت مره واحدة

وكنت لما اسالها

تقولي انا كنت موجودة جنبك في الشقة
و انت الي بيتهيالك

للكاتبة حنان حسن

والاغرب من كده

اني كنت كتير بسمعها بتتكلم مع حد في الحمام

وبردوا لما كنت بسالها

كانت بتقولي ….
اني بيتهيالي

بس انا محاولتش اركز معاها

لاني كنت عارف انها متعودة علي كده
لانها متربية مع امها

وامها مخاوية

وده العادي بتاعهم…

المهم…

طبعا انا كنت مخنوق من قعدتي في البيت

ووزجاتي هن من يتصرفن في مصاريف البيت

المهم …ان الوضع ده

اضطرني اني اخرج اشتغل مؤقتا في صيدلية

وده الشغل الوحيد الي قدرت اتحصل عليه

بعد البحث المضني

وكان شغلي عبارة عن شفت ليلي
يعني كنت بروح بليل وارجع الصبح

والشغل كان مجهد جدا

المهم…اني كنت برجع مهدود

واستمر الوضع ده فترة

وفي ليلة وانا في الصيدلية

جاني اتصال من رقم مجهول

ولما رديت…

سمعت صوت شخص
بيقولي…

انت لية سايب بيتك بليل يا عمرو؟
ارجع بسرعة علي البيت

عشان تشوف مراتك…
في احضان…. الراجل الي بيزورها كل ليلة
(يا خروف)

بعد ما شوفت الرسالة

استغربت …

للكاتبة حنان حسن

وقلت ….
ده اكيد انسان وقح
بيحاول يوقع بيني وبين واحده من زوجاتي

لكن مين ده ؟

ولية بيبعت الرسالة دلوقي تحديدا؟

وبدات الظنون تلعب براسي

ولقيتني بقول لنفسي

مفيش دخان بدون نار

ويمكن يكون الراجل ده شاف حاجة وعايز ينبهني؟

ولقيتني بقوم من مكاني
وانا بقول…

..لا …انا لازم اروح البيت

…واقطع الشك باليقين…

واتاكد ان كان المتصل كداب
ولا صادق

فا استاذنت في الليلة دي من الشغل
ورجعت البيت بسرعة

وكنت متاكد انها هتطلع مجرد ظنون

لكن لما وصلت امام باب الشقة

شعرت فعلا ان في حركة في الشقة جوا

فا خرجت المفتاح من جيبي

وبمجرد ما دورت الفتاح في الباب
لقيت حد فصل النور عن الشقة كلها

وطبعا مهمنيش الضلمة وفتحت الباب عشان اشوف ايه الي بيحصل جوه عندي في

لكن اول ما دخلت الشقة
اكتشفت
كارثة……..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock