روايات وقصص

رواية عشقني جن البارت الثاني للكاتبة هاجر أحمد.

رواية “عشقني جن” البارت الثاني للكاتبة هاجر أحمد:

صحيت من النوم جسمي كله مكسر زي مكون كنت فى حرب مش نايمه واستغربت اوي من الاحساس ده بس كالعاده محطيتش فى دماغي وقضيت يومي عادى زي باقى الايام بس كنت مضايق لان الخيال والصوت مظهرش تاني لحد لما اتخنقت انا واكرام اخويا ودخلت الحمام وفضلت اعيط وفجاه الصوت ظهر الصوت: اسماء ممكن متعيطيش

اسماء: انت كنت فين دورت عليك كتير ملقتكش

الصوت: كنت معاكي مبعدتش عنك ثانيه واحده اسماء: طب انا عوزه اشوفك انت مش بتظهر ليه الصوت: هظهرلك فى وقت معين بس لو ظهرتلك مش هتقدرى تبعديني عنك مهما حصل

اسماء: مستحيل ابعدك انا مصدقت لقيتك الصوت: هظهرلك لما تكملى18 سنه وبعدها هتبقي بتعتي انا وبس

اسماء: ياااه لسه لما اكمل 18لسه تلات سنين الصوت: ههههه مالك مسعجله كده ليه يا اسماء اسماء: مش مسعجله ولا حاجه انا بس عوزه اشوفك

الصوت: هتشوفيني متقلقيش، اه محدش يقدر يشوفني او يسمعني غيرك يا اسماء يعني مينفعش تقولى لحد حاجه عني

اسماء: مش هقول حاجه متخفش

الصوت: ايوه كده اسمعي كلامي على طول ولو فضلتي كده هخدك اوريكي العالم بتاعي

اسماء: فين العالم بتاعك الصوت: تحت سابع ارض، هتنزلى معايا يا اسماء

اسماء: هاجي معاك اي حته الصوت بنبره شر: اصلا لو كنتي رفضتي كنت هخدك غصب عنك

اسماء: انا هطلع انام عشان تعبانه هتيجي تاني امتي

رواية “عشقني جن” البارت الثاني للكاتبة هاجر أحمد:

الصوت: قولتلك لما تحتاجيني هتلقيني خرجت وانا مبسوطه اوي ودخلت عشان انا سمعت الصوت تاني الصوت: مش هتغني وترقصي قبل متنامي اسماء: تعبانه مش قادره

الصوت: بس انا اتعودت اشوفك كل يوم وانتي بتغني وبترقصي

اسماء: انت بتشوفني كل يوم

الصوت: اه بشوفك وهو ده اللى خالني عشقتك، يلا قومي بقا قومت وانا مفكره ان ده عادي وان ده حاجه فى خيالى، غيرت هدومي ولبست هدوم مكشوفه بس وانا بغير هدومي حسيت بصوت النفس قريب مني اوي لدرجه ان سخونيه النفس كانت فى رقبتي وان فى حد وقف فى ضهري بس كملت لبس عادي ووقفت قدام المرايه وشغلت الاغاني وبدات ارقص واتمايل بجسمي لحد متعبت ونمت ومرات ايام طويله على نفس النمط مكنش عندي شغف اني احب اي ولد ومكنش فى دماغي الكلام ده وحاليا انا عندي 17سنه ولسه كل حاجه ماشيه زى مهي لحد ما فى يوم فى ولد جه اعترافلي بحبه ودي كانت اول حاجه بدات يظهر بسببها شر الجن

رامي: اسماء كنت عوز اتكلم معاكي

اسماء: اتفضل يا رامي فى حاجه رامي: بصراحه انا معجب بيكي سمعت منه الكلمه ومكنتش عارفه ارود عليه او اتكلم بس فجاه عروق جسمي كلها شدت عليا وحسيت بوجع غريب انتشر فى جسمي كله لدرجه ان الوجع ظهر على ملامحي

رامي: انا قولت حاجه ضايقتك يا اسماء

اسماء: بعد اذنك انا عوزه امشي رامي: طب ردك ايه علي اللى قولتو

اسماء: معنديش رد و ارجوك سيبني امشي دلوقت

رامي: طب انا هديكي مهله تفكري وهستنا ردك مقدرتش استنا رامي يخلص كلام سيبته ومشيت بسرعه ورجعت البيت دخلت اوضتي وقلعت هدومي لقيت اثر خربيش وجروح على جسمي اتخضيت وخوفت جدا فجاه الصوت ظهر

الصوت: وجعتك معلش بس مقدرتش امسك اعصابي لما حسيت ان ممكن حد يخدك مني

اسماء: تقوم تاذيني بالطريقه دي

رواية “عشقني جن” البارت الثاني للكاتبة هاجر أحمد:

الصوت بلهجه غضب: واعمل اكتر من كده واحرق الاخضر واليابس لو فكرتي انك تبعدي عني او تكوني لغيري

اسماء: بس انا هايجي عليا وقت وهتجوز مكملتش الجمله ولقيت كل حاجه فى الاوضه بقيت تتحرك من مكانها وتحدف فى الارض بقوه وكل حاجه اتكسرت والغريب ان محدش سمع اي صوت ومحدش جه يشوف الاصوات دي ايه

الصوت بغضب: قولتهالك قبل كده انتي بتعتي انا ومحدش يقدر يخدك مني انتي فهمه من اللحظه دي بدات افهم ان الموضوع مش مجرد خيال او حاجه انا اخترعتها عشان اتكلم معاها

اسماء: انت ايه انا عوزه اعرف دلوقتي انت ايه ومش عوز تظهرلى ليه وليه بتقول الكلام ده الصوت: قولتلك هظهرلك فى الوقت المناسب وهانت مفضلش كتير على عيدميلادك وهتعرفي كل حاجه

اسماء: وانا مش هفضل فى الدوامه دي كتير لازم اعرف انت ايه وعوز مني ايه

الصوت بغضب: اسماااء بلاش تختبرى صبري عشان انا غضبي وحش وممكن اذيكي في لحظه عصبيه خوفت من طريقه كلامه وسكت ودخلت اخدت دش ورجعت وقفت قدام المرايه لقيت الجروح اللى فى جسمي راحت وكل حاجه فى الاوضه رجعت مكانها ولا اكن حصل حاجه قعدت على السرير وفضلت افكر انا ازاي كنت ساكته السنين اللى فاتت دي ومفكرتش الصوت والخيال دول ايه الصوت: متفكريش كتير يا اسماء عشان مش هتوصلي ل حاجه وزى مقولتلك انتي بتعتي…. يتابع………

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock