روايات وقصص

رواية “رساله غامضه”. الجزء الثاني والأخير للكاتبة أسماء يمانى.

رواية "رساله غامضه". للكاتبة أسماء يمانى.

رواية “رساله غامضه”. الجزء الثاني والأخير للكاتبة أسماء يمانى:

يوسف: انت اتجننت انت مش شايف حالته ازاى

وليد: حالته اسأل البيه عامل ايه

عصام: كان وشى بيجيب دم ومش فاهم حاجه ولا عارف الى بيحصل

وليد: البيه جالى البيت من يومين افتكرت فيه حاجه ودخلته البيت وسبته شويه لقيته اتهجم على اختى ولما صوتت جريت عليه ابعده عنها لقيته هجم عليا وبيضربنى كمان وخبطنى فى الحيطه كان هيموتنى وهرب وجاى دلوقتى بمنظرك ده شبه الشحاتين يوسف انا مش عايز اشوف الشخص ده قدامى تانى

يوسف: انت عملت كده فعلا ياعصام

عصام: والله مافاكر حاجه من الى بتقول عليه ازاى بس تقول كده انا اقدر اعمل فيك كده ياوليد واختك تبقى اختى ديه غاليه عندى

يوسف: وليد عصام ميعملش كده انا فعلا بدخله بيتى ووشه فى الارض

وليد: يعنى هكدب عليكم بقولك ده الى حصل وكان شكله متغير وبيتكلم بطريقه غريبه

عصام: يجماعه صدقونى انا صحيت لقيت نفسى فى الشارع انا من اربع ايام مش فاكر حاجه انا اخر حاجه فاكرها يوم ماكنت معاكم روحت البيت لكن طلعت ليا ومراقبنى وعارفه تصرفاتى وصورتنى كمان وورتهانى

يوسف: مين الىى بتراقبك والى عملت فيك كده

عصام: روح

وليد: ديه الى قلت عليها بتكلمك وافتكرت اننا عملنا فيك مقلب

يوسف: يعنى ده مش هكر ولا مقلب

عصام: لا ده بسمع صوت فى كل حته ملزمنى بس ازاى مش فاكر الى حصل خلال اربع ايام

وليد: بسم الله الرحمن الرحيم ، انت هتخوفنا ليه يابنى

عصام: انا عايش فى حجيم بجد ومش عارف الى بيحصل

يوسف: انا عارف شيخ هتصل بيه وهو يعرف ويشوف، وشويه التليفون رن كان صاحبى وبلغنى ان البوليس بيدور على عصام التليفون وقع لما سمعت الخبر وعرفت عمل ايه

عصام: مالك يايوسف خير مين بيتكلم

وليد: شكلك عامل كده ليه ماتنطق

يوسف: عصام ضرب محمود الى اتخنقنا معه قبل كده لكن كان ضرب جامد شويه دخله العنايه المركزه وحالته خطر والبوليس بيدور عليه

عصام: ايه ضربته وحالته خطر انا هتجنن مش فاهم حاجه الى بيحصلى وعايز ايه اظهر ياروح

وليد: كلم الشيخ دلوقتى خليه يجى يالا ، وفعلا بعد شويه لقينا شيخ داخل علينا ووشه منور وفضل يبص علينا واحد واحد

_ وقال مين فيكم الى متصاب

يوسف: عصام ياشيخ اهو قدامك عفريته اسمها روح لبسته وخلته يختفى اربع ايام وضرب صحابه

 

الشيخ: تعالى يابنى جنبى هنا متخافش

عصام: ولقيت الشيخ رفع ايده اليمين وحطها على دماغى وفضل يقراء قران، وبعد ماخلص بصلى اوى وعلامات وشه غريبه وفضل يسألنى

الشيخ: انت حسيت بحاجه ياعصام بتشنج او خنقه او وجع فى دماغك

عصام: لا محستش بحاجه

الشيخ: تمام يبقى انا دورى خلص على كده لازم امشى

يوسف: استنى ياشيخ يعنى العفريته مشيت من عليه

الشيخ: ومين الى قال فى عفريته او شبح زى مانت بتقول

عصام: ايوا بتظهر ليا ولبستنى اربع ايام

الشيخ: اولا يابنى انت شخص متعلم مافيش عفريت تلبس شخص وكمان ميحسش ولايشوف باى حاجه الروح بتخرج لخلقها يابنى ومتقدرش تتحكم بشخص لمده طويله كده يابنى عالمنا غريب ولايعلمه الى الخالق لكن حالته مش محتاجه شيخ، وكمان لو فى حاجه هتظهر عليك وانا قرأت عليك بعض ايات القرانيه محصلش حاجه ولا حسيت باى حاجه مافيش عفريت ولا جن عليك

يوسف: ولقيت فجاه يوسف اتعصب وصوته بقى يعلى على الشيخ ويشتمه وشكله اتغير اوى ومسك الكرسى وعايز يضربه رحت شديته وضربته بالبوكس وقولت له فوق مالك، لقيت عصام بصلى اوى وقرب وقاله انت ازاى تضربنى موتك هيكون على ايدى.

_ اتخضيت اوى ورجعت لوراى، وفجاه عصام سكت وفضل يبص اكن معملش حاجه، ولقيت الشيخ قال اتكلموا مع دكتور هيفيدكم عنى انا مليش دور هنا.

عصام: دكتور ايه هو مش هيطلع روح

يوسف: بقولك عصام ادخل الحمام نضف نفسك وانا هروح بيتك اجيب هدوم واجى ووليد هيقعد معاك اتفقنا

_ كنت حاسس فى حاجه غريبه فعلا مش فهمها وقصدت اروح بيته ادور يمكن اوصل لحاجه ورحت دخلت الشقه واوضه عصام مخصوص والى كانت غريبه وفيها لوحات لرسومات غريبه متعلقه على الحيطه وديما فى رسمه بتكرر بس بالوان مختلف صوره شخص وفى شخص يقف جنبه خلفه وعنوان الصوره only وحيد كنت مستغرب اوى وفتحت الكمبيوتر لقيت ايميلين مفتوحين واحد باسم عصام والتانى باسم روح والغريب انهم بيتواصوا مع بعض

_ ولقيت ملف مكتوب خاص عليه فتحته كان عصام مصور نفسه بطريقه غريبه وكان بيتكلم بطريقه مخيفه وبيضحك بهستريا ومصور نفسه وهو نايم ساعتها حسيت فى حاجه غلط وان عصام مش ملبوس لا هو بيعمل كده قصد فينا او يكون مريض

_ وفجاه تليفونى رن سمعت صوت وليد بيقولى الحقنى هيموتنى

_ يوسف عملت مكالمه وكلمت دكتور اعرفه يجيلى على شقتى، ولما رحت شوفت عصام مكتف وليد وماسك فى ايده سكينه رحت مسكت خشبه وضربت عصام وقع اغم عليه

عصام: مين انا بقتش فاهم حاجه ولا ايه الى بيحصل انا ازاى الوقت بيعدى ومعرفش حصل ايه وعملت ايه فجاه لقيت صحابى مكتفنى مش عارف عملت ليهم ايه لما فقت لقيت مكان ضلما اوى ومافيش غير لمبه ابچوره صغيره منوره وواحد بيكلمنى وانا متكتف بحبل ايوا فاكر ان صحابى هما الى كتفونى

_ وقلت انت مين وعايز منى ايه ، ولقيت حد قرب عليا اوى وقال

_ متخافش انا الدكتور توفيق دكتور امراض عصبيه ونفسيه انا هنا عشان اقدر اساعدك

عصام: انت الى بتقوله ده فكنى انا مش مجنون يايوسف وليد فكنى يالا

_ اهدى عشان اقدر اعالجك واطلعك من الورطه الى انت فيها

عصام: ههههههههههههههه وانت مين بقى عشان تتحكم فيا انا الروح الحره الى ميقدرش حد يقيدها ولايكسرها انا مش عصام الضعيف انا روح حره واقدر ادمر الى يقف قدامى او يرفضنى زى العيل الاهبل الى اسمه ممدوح لما حاول يضرب عصام عشان ضعيف وملهوش اهل وهو اهله اغنياء ولا اخت وليد الى رفضتنى عشان فقير ومعنديش اهل يساعدونى

هما فكرين ان عصام وحيد ملهوش اهل، هو ديما حبسنى لكن جيه الوقت الى يتحبس هو واخرج انا ابقى روح الحره الى محدش يقدر يجى عليا تانى

دكتور توفيق: عصام عصام عصام فوق انت فى امان محدش هيقدر يجى جنبك او يأذيك تانى

عصام: فى ايه الى حصل

دكتور: انت معايا قولى ياعصام انت اهلك ماتوا ازاى

عصام: فى حادثه عربيه كانوا مسافرين واليوم ده مفروض كنت اسافر معاهم لكن مرحتش عشان اخرج مع صحابى، ويارتنى كنت سافرت على اقل اكون معاهم دلوقتى

دكتور: الاعمار بيدى الله يابنى والبركه فيك ايه رايك تقعد معايا هنا شويه فى المستشفى عشان اعصابك تستريح شوبه

عصام: بس انا مش مجنون انا مش ذنبى روح السبب

دكتور: متخافش هديك علاج مش هيظهر تانى، الممرض هياخدك ويديك علاج وحقنه هتريحك

_ ايه الحاله بالظبط يادكتور كده احنا مفروض نحاسب مين

يوسف: ياحضره الضابط انا جبتك مخصوص عشان تتاكد ان عصام ملهوش ذنب فى الى حصل

دكتور: فعلا عصام مريض عنده انفصام فى الشخصه وده عقله مش بيستوعب اى حاجه بتحصل وده الى حصل لما شخصيته الشريره كانت عايزه تخرج وتسيطر على عصام وده بسبب اختفاء اربع ايام، وكويس الى لحقته يايوسف لان شخصيه عصام التانيه كانت فعلا هى االى هتسيطر عليه وعصام الطيب كان هيختفى

وليد: طيب يادكتور عصام طول عمره معانا الى حصل وغيره فجاه

دكتور: الى مر بيه عصام مش سهل موت اهله وحمل نفسه الذنب عشان مكنش معاهم ومات زيهم وده دخله فى حاله انعزال واكتئاب وده غير الضغوط الى بتقابله واحساسه بعجز ومش عارف يوصل لصاحبه الغنى الى متضهدة فى الكليه ولا البنت الى حبها وسابته عشان فقره خلى يكره نفسه وعجزه ويصنع شخصيه قويه تكون معه وتاخد حقه مكانه وده الى صنع روح الى لما ظهر واتواصل معه خاف افتكر عفريت بيخوفه لكن كان عايز يفرد سيطرته على عصام وده فعلا الى عمله

يوسف: معقول كل ده كان فيه واحنا مش حاسين بيه بس كان فين المده ديه

الضابط: السجلات الكاميرا ظهرت انه كان فى الشارع وماختفاش غير ساعتين وده لما انتوا شفتوه والساعه التانيه لما ضرب صاحبه لكن كان هادى ومش بيتكلم مع حد من شهاده الناس الى شفته لكن كل ماحد يجى جنبه بهدف يخوفه كان بيضربه ضرب جنونى وكذا حد قدم شكوى فى الشاب المتسول الى فى الشارع عشان كده كنا لازم نتحفظ عليه

دكتور توفيق: هو بقى محجوز معانا يعنى مش هيشكل خطر لاى حد وعقبال مايتعالج بس ياريت تظهروا الرافه له لانه فعلا مش فى قوه العقليه

_ تمام انا هاخد شهاده منك بحالته الصحيه وهقفل المحضر على كده، وانت خلى بالك منه ممنوع يخرج الا لما لجنه من عندنا تكون موجوده

دكتور: وده الى هيحصل يافندم ، وانتم ياولاد بلاش تشوفوه دلوقتى عشان ميأثرش عليه

_ وبعد 6 شهور فى نفس المكان الدكتور توفيق بيكلم عصام بعد تنويم مغناطيسى، انت مين دلوقتى متخافش محدش هيقدر يأذيك

_ انا عصام بقالى فتره كبيره بتعذب بسبب روح لكن اخيرا اختفى ومبقاش يكلم تانى فى دماغى

_ يعنى انت مبقاش حد بديقك تانى ياعصام

_ اخيرا ارتحت من الصوت، وبقت افتكر يومى عملت فيه ايه

دكتور: وزى ماحضرتكم شايفين عصام خف ياحضره الضابط والجلسه بقت قدامك ودلوقتى يقدر يخرج يكمل دراسته ويعيش حياته عادى جدا

_ وفعلا اللجنه الطبيه سمحت بخروج عصام انه يرجع لحياته مره تانيه

عصام: اخيرا بقيت حر منطلق ومبقاش حد يسيطر عليا زى زمان ولا انت ياعصام بقت مسيطر لانك مش موجود اصلا هما افتكروا انهم كده بيعالجونى بالكهرباء والجلسات لكن ميعرفوش انهم كده بيصحوا الروح الحره الطليقه اما عصام اختفى من الوجود، وبقيت انا روح المسيطر وهقدر اخرج وانتقم براحتى من الى اذونى ه‍هههههههههههههه (بنظره مكر)

_ لكل واحد فينا جوه روح الى بيخبيها لكن بتظهر بالضغوط والتعب والفقر رفقا بالناس كل واحد بيكون مستحمل ضغوط كتير وساعات بتكون حاجه بسيطه تكون الشراره الى هتفجر نوع جديد من البشريه الى لايخافوا من شئ والانتقام يكون عنوانهم بلاش تساعد انهم ينتشروا مع مجتماعنا لاننا اكتر حد هيضرر بكده

وشكرا على المتابعة ويارب تكون قصه خفيفه عليكم وعجبتكم وبلاش أى حد فيكم يكون سبب فى أذى غيره

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock