روايات وقصص

رواية “رساله غامضه” الجزء الأول للكاتبة أسماء يمانى.

رواية "رساله غامضه"

رواية “رساله غامضه” الجزء الأول للكاتبة أسماء يمانى:

كثيرا منا تاتى له رسايل مجهوله على ماسنچر ومنهم اشخاص مجهولين لاتعرفهم وفى من يرد عليها وايضا من يتجاهلها
كنت ساكون محظوظ فعلا لو تجاهلت هذه الرساله المريبه التى غيرت حياتى

هل سألت نفسك؟ ماذا يحدث ان اتتك رساله غريبه من شخص مجهول المصدر ويحكى لك عن جميع اسراك الذى لايعرفها احد غيرك شئ مريب صحيح

ماذا يحدث وانت تجلس الان اتتك رساله وتقوم بفتحها ويكون شخص يريد التعرف عليك وتقبل ووتكتشف بعد ذلك انه يعرف كل تفصيله فى حياتك ماذا تفعل وقتها

تخيل ياصديقى، لكنه فعلا شئ صعب وانا مريت بيه بالفعل
اعرفكم بنفسى انا عصام كنت بحب اقعد على النت كتير كان هو كل حياتى كنت بهرب من واقعى المؤلم فيه

اعمل ايه انا شاب وحيد من غير اب او ام وعمرى يدوبك 19 سنه كان النت هو يومى كله حتى شغلى كنت بعمله من على النت وفى يوم كنت قاعد بلعب وبتسلى عادى على النت وبكلم صحابى لقيت رساله مبعوته بتقولى انت عامل ايه دلوقتى،
ببص فى الصفحه كانت صفحه مجهوله حتى الاسم مش واضح اكننها مش موجوده اصلا فمختش فى بالى

فقلت اهلا مين معايا

قالت انا روح ممكن اتعرف بيك

اهلا روح انا عصام

روح: مش هتبطل قاعده وتروح تذاكر ولا تاكل حاجه انت من الصبح ماكلتش

عصام: استغربت اوى من طريقه كلامها هى عرفت منين فقلت انتى عرفتى منين انى مكلتش حاجه من الصبح ولا ذاكرت

روح: يمكن عشان حسا بيك او شيفاك

عصام: مش عارف ليه قلقت اوى من كلامها ، وقلت ليه انتى تعرفينى عشان تحسى بيا

روح: حسا بيك وعارفه كل تفصيله عنك

عصام: واو، ده انتى معجبه بقى ياست روح

روح: ايه مش مصدقنى طيب خلى بالك من الكوبايه الى هتقع وراك

عصام: ببص ورايا لقيت الكوبايه وقعت فعلا، انتى مين وعرفتى منين ان الكوبايه هتقع افتكرت وليد صاحبى معايا فى الشقه وقلت انه وعامل فيا مقلب

اطلع ده مش هزار لو مستخبى فى الشقه انا بقولك اهو بدل مالهزار هيقلب جد

روح: متتعبش نفسك لو بتنادى مافيش حد معاك غيرى، انت مش حاسس بيا ولا مصدقنى ليه تعرف انا اكتر واحده بخاف عليك

عصام: انتى مين انا هقفل شكلك واحده مريضه، وفعلا قفلت وعملت بلوك للاميل بتاعها لكن كنت خايف من طريقه كلامها اوى

وقفلت النت ونمت عشان اروح تانى يوم الكليه، وبعض ماخلصت المحاضرات شوفت صاحبى وليد ويوسف واتكلمت معاهم على المقلب السخيف ده لكن كلهم حلفوا برحمه اهليهم انهم ميعرفوش حاجه عن الحوار ده وان ده شكل صفحه هكر بتشتغلنى ساعتها قلت انا ناقص مجانين ياربى لما اروح هغير الرقم السرى وهحذف اى حد معرفهوش

المهم قضيت اليوم مع صحابى وطلعنا على شقه واحد صاحبنا عشان نذاكر مع بعض والوقت سرقنا ولقيت الساعه عديت 12 بعض نص الليل قولت سلام انتوا ياشباب الوقت اتأخر لازم اروح

يوسف: يابنى ماتقعد تبات معنا الوقت اتأخر هتمشى دلوقتى
عصام : معلش خلينى اروح انا اشوفكم بكرا سلام

ونزلت ملقتش موصلات ساعتها قلت امشى من طريق مختصر عشان اوصل وخات شارع كان ضلما شويه

وانا ماشى كنت حاسس ان فى حد ماشى ورايا وكل ما ابص ورايا ملقيش حد وفجاه انا ماشى حسيت بهواء بارد اوى وفى حد جنب ودانى بيقولى روح

_ ساعتها وقفت اتسمرت مكانى ولفت مره واحده ملقتش حد خوفت وطلعت اجرى على البيت

وطلعت قولت اخد دوش وانام ولسه هغمض عينى لقيت رساله على التليفون مبعوته على الماسنجر بفتحها

_ لقيت بتقول انت هتنام وتسبنى مش هتكلمنى

_ اتخضيت قلت مين الى بيتكلم

_ كده لحقت تنسانى انا روح انت متعود تضلم الشقه كده لما تنام

_ قومت من على السرير مفظوع ونورت النور وقلت انتى مين وعرفتى منين انى مضلم البيت وبعدين عملتلك بلوك انتى مين

_ هههههههههه انت خوفت عشان كده نورت النور متخافش منى عايز تعرف انا مين انا خيالك الى مش هيسيبك وبعدين انا اعرف عنك حاجات كتير تحب تشوف

_ وفجاه لقيت صوره مبعوته ليا وانا نايم على السرير والمفجاه الصوره نفس الوضعيه الى قاعد فيها يعنى متاخده دلوقتى كنت هتجنن طيب ازاى

_ ايه اتفاجت عرفت انى اعرف اوصلك

_ خوفت وقفلت التليفون

_ ولقيت التليفون رن تانى طيب ازاى انا قفله مسكت التليفون وانا ايدى بتترعش مش عارف امسك التليفون وحطيت الفون على ودنى لقيت صوت وش عالى وبعد كده صويت عالى وتقول روح مش هتسيبك ماحستش بتفسى غير واغم عليا
لما فقت لقيت نفسى قاعد على دكه فى الشارع واصوات ناس ماشيه معديه جنبى وتبص عليا

ولقيت واحد عمال يقول لاحول ولاقوه الابالله، الواد نايم مبهدل فى الشارع ازاى فوق يابنى انت ملكش بيت

فقت ببص للناس وبصيت لنفسى كان شكلى مبهدل اوى وحافى مكنتش عارف الى بيحصل كنت هتجنن طيب انا ليه مش فاكر جيت ازاى هنا ولقيت نفسى جنب بيت صاحبى يوسف جريت على بيته عشان يدينى حاجه البسها وفلوس اروح بيها بدل البهدله الى انا فيه

وأول ماخبطت على الباب لقيت يوسف فتح الباب وبيبص عليا اوى يقولى انت كنت فين بقالنا أربعة ايام وبنتدور عليك ورحنا بيتك مكنش فى حد قلقنا عليك يابنى وكمان كنت قافل تليفونك ومالك يابنى كنت فين مختفى وايه البهدله ديه الى انت فيها انت كويس

عصام: كنت ببص ليوسف ومصدوم من كلامه ازاى انا بقالى اربع ايام غايب ازاى انا لسه سيبكم انبارح اربعه ايام فين انت هتشتغلنى وبعدين انا مش فاكر حاجه ولا فاكره نزلت الشارع ازاى وامتا

وببص على النتيجه الى فى صاله شقه يوسف لقيت التاريخ 24/10 ازاى انبارح 20 الى حصل انا هتجنن مش فاكر حاجه والى حصل معقول تكون روح

وشويه لقيت وليد جيه واول ماشفنى لقيته ضربنى بالبوكس فى وشى ومتغاظ اوى منى

يوسف: انت اتجننت انت مش شايف حالته ازاى

وليد: حالته اسأل البيه عامل ايه وكان فين انبارح واحنا كنا قلقانين عليه

عصام: كان وشى بيجيب دم ومش فاهم حاجه ولا ايه الى بيحصل.

تابع….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock