روايات وقصص

البارات الثاني رواية “العمارة رقم 9” للكاتبة أسماء يمانى:

البارات الثاني رواية “العمارة رقم 9” للكاتبة أسماء يمانى:

التليفون رن، روحت رديت لقيت امى من البلد ست الحبايب بتطمن عليه، قلب الام بقا.

وبعد ماقفلت معها نظرت من العين السحريه كان الواد اختفى قلت دي عيله مجنونه ياعم.

صباح اليوم التالى صحيت فى ميعادى ولبست ونزلت الشغل كالعاده، وكانت العماره اليوم ده طالع منها ريحه وحشه اوى.

روحت سألت بواب العمارة، ايه ياعم رفاعى ايه الريحه ديه، العماره عامله كده ليه فى الدور الى ساكن فيه والى تحتى، قالى معرفش يا استاذ عماد هبقى اطلع اطل عليها واشوفها.

روحت للجريده وكان صديقى ايهاب منتظرنى على مكتبى.

ايهاب عامل ايه ياصاحبى انهارده .

– “ايهاب” فينك ياعم من الصبح الدنيا مقلوبه وانت لسه مشرف

– “عماد” ايه ياعم مالك فيك ايه على الصبح والى قلب الدنيا من انبارح لنهارده

– “ايهاب” يالا بينا وهحكيلك فى الطريق لازم نغطى خبر مهم

– “عماد ” الحوادث الى على الصبح يالا ياعم الناس تصتبح بوشوش حلوه وانا اصتبح بيك ياصاحبى واخبار ايه فله، يلا بينا نشوف ايه المصيبه

وفى الطريق تكلم ايهاب معى، يابنى القضيه الى رايحين ليها غريبه شويه مش زى اى قضيه

– “عماد” الى غريب فى القضيه يابنى ايه، قتل سرقه، اغتصاب اخلص

– “ايهاب” لا اكل وانت الصادق واحد اكل صاحبه

– “عماد” انت اجننت يابنى ايه القرف الى على الصبح ده استغفر الله العظيم الى حصل

-“ايهاب” وصلت لينا اخباريه من الشرطه، ان شويه شباب كانو شاربين نوع مخدر جديد كانو بيجربوه مع بعض وشكله كان الصنف عالى شويه ام واحد اكل ذراع زميله والتانى اكل دماغه متعرفش الى حصل، الناس سمعت اصوات عاليه بلغو عليهم، والشرطة هناك بتعاين الواقعه واحنا رايحين نشوف الى حصل بالتفصيل

– نزلنا لمكان ما فى مصر الجديده ومع تجمع الشرطه حول المكان وتستعلم من الشهود الى حصل، لما روحت اشوف الواقعه كان عباره عن جثث متاكله لم يتم تحديد معالمها ولا مين اصحابها لكن التحريات اثبتت خمس شباب جربو مخدر جديد متهرب من امريكا ولما شربوه مستحملوش الجرعه وحصل كده .

– لكن الغريب الشرطة اكددت ان الجثث الموجوده اربعه، معنى كده ان فى شخص او جثه مفقوده ومع مسأله الشهود، قالو المكان ده بيجى فيه العيال الى معها فلوس تجرب اصناف جديده

– “الضابط علاء” ايهاب وعماد ايه لحق الخبر يتسرب ليكو

– “ايهاب” ايه ياحضرة الضابط ده احنا صحاب ياعم حتى

– “عماد” الى حصل ياعلاء وايه الجثث ديه كلها معقول مخدرات توصلهم لكده ياكلو بعض، والمخدرات ديه اتجابت منين وفين اهالى العيال ديه

– “علاء” ايه يابنى براحه ده انا مسألتش كل الاسئله ديه كل حاجه اكيد الشرطة هتعرفها بس بعيد عن الصحافه دلوقتى عشان الموضوع اتحول لقضيه قوميه الموضوع كبير وفيه عيال ولاد ناس تقيله ومش سهل

– “عماد” طيب الشهود بتقول هما خمسه، بس مافيش غير اربع جثث ممكن يكون الخامس هو الجانى

– “علاء” معرفش الطب الشرعى هو الى هيحدد لكن اوعدك لو فى اى تطورات جديده هبلغك بس مش كل التفاصيل زى مقولتلك قضيه كبيرة

– “ايهاب” طيب مين اهالى العيال ديه انت بتقول تقال فى البلد طيب فنهم

– “علاء” ايهاب بطل رغى كتير انا عارفك زنان بقولك قضيه رأى عام انت اخرك تعرف التطورات عن الجانى والباقى بتاعنا وميتنشرش حاجه القضيه لسه احداثها جاريه ومش عايزين مشاكل

– “عماد” تمام ياعلاء بيه متخفش مش هنشر حاجه الى لما اجمع المعلومات كلها واخذ الاذن عشان تكون موثقه

– “علاء” ماشى ياعماد أوعدك انت اول واحد هيعرف باى أخبار جديده سلام دلوقتى

– “عماد” إيهاب عايزك تشوف اى حد عنده كاميرات مراقبه فى محلات وتراجع احداث انبارح بس بعيد عن البوليس تمام وانا هشوف أى شاهد أطلع منه باى معلومه

– “ايهاب” نعم، اومال مين كان بيثبت الضابط علاء دلوقتى ومستنى منك معلومات

– “عماد” متشغل دماغك شويه شغل الصحافه غير شغل الحكومه وبعدين قالك بقى قضيه قوميه يعنى ممنوع يسرب حاجه غير مسموح بها وانا مش هستنى المسموح لازم أعرف الى حصل القضيه مش سهله روح انت دلوقتى راجع كاميرات المراقبه للمحلات إلى حوالين المنطقه وانا هدور على شهود للقضيه الغريبه ديه.

 

انتظروا البارات الثالث من رواية “العمارة رقم 9”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock